Ayuntamiento de Anoeta

Udalerriko gizarte-bizitza euskalduntzearren, Anoetako Udalak hainbat sektore euskalduntzeko prozesuak bultzatzen ditu. Besteak beste, Merkataritza kanpainak antolatzen ditu, beste erakunde batzuekin (UEMA, Kontseilua, Galtzaundi...) lankidetzan jardunez.

Anoetako Udala Udalerri Euskaldunen Mankomunitateko kide da, eta bertatik euskarazko material ugari bideratzen da: hiztegiak, fakturak, karteltxoak...

Eskaerak egiteko deitu Anoetako Udalari  (943651200), eta dohainik jaso duzu eskatutakoa.

Era berean, eskualdeko herri guztietan Kontseilua Bai Euskarari Akordioa garatzen ari dela, eta, horren harira, Bai Euskarari Ziurtagiria eskuratzeko aukera dagoela.

• Bai Euskarari Ziurtagiriaren bidez, enpresek, saltokiek eta era guztietako entitateek euskararekiko konpromisoa adierazten diote gizarte osoari.
• Ziurtagiriak laguntza eskaintzen du, entitatearen hizkuntza egoera aztertu eta bakoitzaren araberako neurri zuzentzaileak proposatzeko.
• Bai Euskarari Ziurtagiria duten entitateak euskararen normalizazioaren aldeko neurriak garatzen ari direla kreditatzen du Ziurtagiriaren Elkarteak. Honela, Ziurtagiria eskuratu duten entitateei euskararen normalizazioan egindako ekarpena aitortuz.
• Bai Euskarari Ziurtagiriak hiru maila ditu: Euskararen Bidean / Guk Zerbitzua Euskaraz / Guk Zerbitzua eta Lana Euskaraz.

Informazio gehiago jasotzeko edo ziurtagiria eskuratzeko interesa baduzu, jo Galtzaundi euskara elkartera: tepe@galtzaundi.com edo 943655004.