
Otsailaren 25ean inauteriak iragartzen dituzten kaldereroak iritsi ziren Anoetara. 18:30etik aurrera kalejira egin genuen, Loatzo Musika Eskolako txarangarekin. Festa hau prestatzeko elkarlanean ibili ziren Loatzo Musika Eskola, Anoetako Herri Ikastola, Anoetako Udala, Kuku Elkartea eta Txolarre Irratia.

Partaide asko, ume eta heldu, aritu ziren kalean gora kalean behera zartagina eta mailuari joz. Eta noski, ondoren txistorra jatea izan zen plazan bertaratutako guztientzat.

Eta neskatxo batzuk animatu ziren dantza polita prestatzen kaldereroen kantuen erritmoaz!