Ayuntamiento de Anoeta

Dantza-Soka Eguna Ihauterien aurreko larunbatean ospatzen dugu Anoetan.

Hainbat urtetan galduta egon ondoren, 2003an berreskuratu zen ohitura hau.

Aurten otsailaren 26an izan zen. Herriko gazteak baserritarrez jantzita joan ziren larunbat goizean baserrietatik , eta baserri bakoitzean dantza eskaini zuten. Eguerdian plazan amaitu eta hantxe eskaini zuten dantza-soka mutilek. Nesken txanda datorren urtean izango da. Guztira, 80 gazte inguru elkartu ziren.

Kuku elkartean bazkaldu ondoren, arratsaldean erromeriaz gozatzeko aukera egon zen, Itzel taldearekin. Eta talogileak lan eta lan ibili ziren arratsalde osoan, etengabe. Primerako eguna!